Eskaintzen dituen zerbitzuak:

Eskualdea lurralde-izaera duen toki erakunde gisa antolatua da, elkarren ondoan dauden udalerriez osatua, izaera juridiko propioarekin eta bere helburuak betetzeko ahalmen eta autonomia osoarekin. Eskualdeko gobernua eta administrazioa eskualdeko kontseiluari dagokio, eta lan hauek betetzeko, organo hauek osatzen dute: udalbatza, presidentzia, presidentziaordea, alkateen kontseilua, kontuen batzorde berezia eta kudeatzailea.

Eskualdeko kontseilua:

a. Udalerriei laguntza teknikoa, juridikoa eta ekonomikoa eskaintzen die.

b. Herrietako obrak, zerbitzuak edo jarduerak egiteko diruz laguntzen du.

c. Derrigorrezkoak diren udal zerbitzuak eskaintzea bermatzen du, sorospidez, bere bizilagun kopuruarengatik ematera behartuak ez dauden udalerrietan.

d. Lurraldearen garapenerako beharrezkoak diren zerbitzu berriak ezartzen laguntzen die udalerriei. e. Udalez gaindiko azpiegiturak, zerbitzuak eta ekimenak ezarri eta koordinatzen ditu, eragin-eremuko udalen aldez aurreko informearekin. Edozein modura, eskualdeak berez dagozkion laguntza eta lankidetza funtzioak bete behar ditu, udalerrien beharrak kontuan hartuz, bai bere bizilagun kopuruari dagokionez, bai bere kokapen geografikoari dagokionez edo baita nagusi den jarduera ekonomikoaren tipologia kontuan hartuz ere.